فيديو قصيدة زهرة الشمس جديد عبد الرحمن الابنودي مع الكلمات مكتوبة
كلمات قصيدة زهرة الشمس, فيديو قصيدة زهرة الشمس بصوت عبد الرحمن الابنودي
قصيدة زهرة الشمس هي احدثقصائد الشعر عبد الرحمن الابنودي و التي نقدمها لكم بالفيديو بصوته من برنامج ابراهيم عيسي علي قناة ontv كما نقدم لكم نص كلمات قصيدة زهرة الشمس مكتوبة.
كلمات قصيدة زهرة الشمس
بلبل يشاكِسْ اللّى مشاكسِينُه
بيْساوموا على صوتُه وثبات دينه
وثانيتين البهجة فى سنينُه
يعصر عنب بإيدين معروقة
والباشا بيرصّص فى ملايينه يا بحر
ملاَّحَكْ غرق ماغرقْش مالوش فى أمرك
زى ما انت ماليكْش إنت فى قلبُه وهو فيك
ومافيكش دى حكمِةِ الوطن اللى ساكنينه!!
والثورة لسه ثايره.. ما كفِّت رساميل فى سوق الدم
ما كفِّت دمّى تملِّى وراه.. بيتلفِّت الدم
عايشنا وعايشينه دايما قاتلنا اللى احنا قاتلينه!!
الثورة مارد ضخم إيده تقُص
وكل حاجة قاسمها نص ونص
ياللى انت شمتان فينا قرَّب بُص
رِجِع الزمان لِلِّى احنا عارفينه كإنِّنَا بالعكس
ماشيينُه. وكنا واحد صرنا ميت واحد
لا تعرف الزاهد من الجاحد
لا تعرف الرايقة من العِكْرَة
لا تعرف الخضرا من الصفرا
كلّ اللى جاك فى الحلم.. مِتَّاخِد حتى اللى كان جنبك تقول: «فينه»..؟
وكل حاجة قاسمها نص ونص ياللى انت شمتان فينا قرَّب بُص
حتى الهُتاف: مغموس فى صمت مُخِلّ عُيَّاق بلا عِلَّة بِخيبَة
تْعِلّ فرسان وعشقوا النومة تحت الضِّلّ وِرْث الغلابة كلّ مَادَه يقِلّ وبُكره
مِتنيِّل على عينُه والضل يتنقَّل.. وفين ما يْحِلّ لسَّه الكَسَالى وراه متابعينُه.
فيديو عبد الرحمن الابنودي يلقي قصيدو زهرة الشمس الجديدة
https://www.youtube.com/watch?v=ogo9SVdc988
