كلمات اغنية يا منور سنيني غناء راشد الماجد

كلمات يا منور سنيني – راشد الماجد

الله يعـيـن عينـي.. يــوم تشتــاق عـيـنـك
يحتظنهـا ولـه وتســوق شــوق ومشاعر
حــي ذاك الغــلا.. لــي دار بينـي وبينــك
ما يوفـّي وفـاه احسـاس عاشـق وشـاعر
وصمـت طيفـك لعينـي يـوم تسـأله وينـك
ما فرقنــي مقيــم.. ولا فرقنــي مسافــــر

كــل شــي بعيونــي.. انطبــع فيـه زينــك
بالجهـه.. والمسافه.. والمدن.. والمناظر
مـن قسـاوة جنـون الشـوق ملجـاي لينك
ومن هجير الظنون ألجا لبحـر المحاجــر
يا منــوّر سنينــي.. كــل عمــري سنينـك
يا غرام ايتجـــدد.. يالقديـــــم المعاصـــر

كــن كــل الـدروب تــروح وتــرد لينــــك
يااول الـحـب فـي مهجـة حبيبـك والاخــر
كـل مـــا غـبت لحـظـه يعـتـذرلـي حنينـك
وانـت منتـه بحاجـة عـذر غايب وحاضر
يشـرق العـيـد نـوره مـن بشاشـة جبينـك
تبتهــج بـه قـلـوب.. وتبتهـج بـه خواطر
أشعر اني بقــربك.. حـــــر.. وانا سجينـك
وكل ما بعـدت عني.. أشعر اني محاصـــر