كلمات اغنية سلمية – عصام امام

كلمات اغنية لسمية غناء الفنان عصام امام و من تلحين صهيب شكرى ومن كلمات هديل عبد السلام

كلمات اغنية سلمية – عصام امام

انا اللى هتفت سلمية

لا انا صايع ولا بايع سنين عمرى اللى باقية بلاش

ولا حابب اشوف امى قلقها عليا مبيهداش

لا عايز اشوفها شايلا الهم ولا تبكى لو تشوف الدم

ولما تتسال عنى تقول ده ضنايا راح ولا جاش

انا اللى هتفت سلمية

ولا كان نفسى اشم العاز ولا امسك طوبة فى ايديى ولا خرطوشه تحرقنى

انا اللى هتفت سلمية

ومكنش فى بالى ضرب نار ولا أنى أنضرب برصاص

ولا أن عنيا تبقى نشان لظابط مفترى وقناص

ومات ايامها صاحبى فؤاد ومات خالد ومات رامى وراحت عنين أقريبى هشام

وعدى الشهر بعد ه الشهر وفاتوا عليا زى الدهر ودم الشهدا يفزعنى

ويقلق راحتى كل مانام

ساعتها لاقيتنى متكتف وقلت لا بد اعود اهتفت

رجعت هتفت سلمية

وقلت الدم مش للبيع بورقة بعشرة او ميه فى ايدى ايه غير انى اهتف

فضلت أهتف فضلت أهتف

وقلت يا ناس ده انا اللى هتفت سلمية قالولى لأه ونكرونى

وشوفت الدم من تانى وعاد المشهد التانى

وده كان يوم ممات مينا علشان مقبلشى تانى الذل وراح يهتف

وزادت قايمة الشهدا عدد من الناس

فى منهم صابتوا رصاصة أو اللى انداس

وزادوا الحزن والقهرة وعادوا الكرة ميت مرة

وسال الدم من تانى على جبينه وغرق عمته الحرة

ومن تانى علشان خاطرى يسيل الدم يا طاهرة

وبعد ده كله

أنا اللى هتفت سلمية ويسقط كل من خانو .. ويسقط كل من هانو ..

ويسقط كل من وقفو في وش جيل بيتحرر .. ويسقط كل من ضربوا .. ويسقط كل من قتلوا ..

ويسقط كل من شطبو سطور في تاريخ بيتسطر ..

ومن تاني .. رخص دمي وسال في شوارع التحرير .. معدش بينفع التبرير .. ورجعو وقالو تستاهل .. لكن عارفين ؟ .. أنا استاهل .. عشان أنا كنت متساهل .. ولجل يكون في معلومكم مفيش حرية بالساهل .. ومها يسيحو في دمي إرادتي مش هتكسر

ويسقط كل من خانو .. ويسقط كل من هانو .. ويسقط كل من وقفو في وش جيل بيتحرر .. ويسقط كل من ضربو .. ويسقط كل من قتلو .. ويسقط كل من شطبو سطور في تاريخ بتتسطر

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>